Үстіміздегі жылдың 19-шілдеде «QazaqGeography» РҚБ ғимаратында «ғылыми-танымдық туризмді дамыту» тақырыбы бойынша конференция өтті. Аталмыш шараға «QazaqGeography» басқарма Төрағасы Жана Рүстем, Орыс географиялық қоғамының (әрі қарай ОГҚ) вице-президенті Владимир Колосов, ОГҚ басты департаменттері басшылары Ольга Царева мен Сергей Корлыханов, Россотрудничествоның Қазақстандағы өкілдігінің басшысы Константин Воробьёв және туристік сала өкілдері қатысты.

Айта кетер жайт, көршілес екі елдің жақсы қарым-қатынаста болуына ОГҚ мен «QazaqGeography» РҚБ арасында орнаған серіктестіктің де өз үлесі бар. Кездесу кезінде болашақ ортақ жобалар талқыланды. Олардың арасында географиялық диктант, фотокөрмелер мен экспедиялар болады деп жоспарланған. Қазақстанда өтетін географиялық диктантқа қатысты арнайы біздің еліміздің мәдениеті, географиясы мен көрнекі орындары туралы сұрақтар дайындалады. Одан бөлек, Омск қаласында қарашада өтетін XVII аймақаралық серіктестік Форумын ұйымдастыруға қатысты біраз сұрақтар шешімін тапты.

Қайту