2019 жылдың 13-ақпанында «QazaqGeography» республикалық қоғамдық бірлестігінде халықаралық Globalxplorer жобасының негізін қалаушы Сара Хелен Паркакпен кездесу ұйымдастырылды.

Аталмыш шараның мақсаты ғарыштық археология негізімен танысып, болашақ жобаларды талқылау болды. Осы сұрақтар төңірегінде кездесуге келесі ұйымдар өкілдері шақырылды: «Қазақстан Ғарыш Сапары» АҚ ҰК, «Kazakh Tourism» АҚ ҰК, «KazAeroSpace» ЖШС, Ә.Х.Марғұлан атындағы Археология Институты, ҚР Ұлтық мұражай қарамағындағы «Халық қазынасы» ҒЗИ, «Астана» ҰКП география және табиғатты пайдалану институты, НУ «Green Campus» офисі.

Шараны «QazaqGeography» РҚБ Басқарма Төрағасы Байқарин Қанат Әбдуәлиұлы бастады. Ол аталмыш жобаның маңыздылығын атап өтті. Айта кету керек, QazaqGeography-дің жақын арада іске асырар маңызды жобаларының бірі – «Ғарыш археологиясы»: қашықтан зондтау мен қапсырмаларды пайдалану арқылы Қазақстан Республикасының аумағын инновациялық геоархеологиялық зерттеу.

Ал 14-ақпан күні қоғамдық бірлестік пен мен НУ әлеуметтану және антропология кафедрасы Назарбаев университетінде Сара Паркакпен кездесу ұйымдастырды. Алабама университетінің антропология факультеті профессоры, Ұлттық географиялық қоғамның археолог-зерттеушісі, Антиквариаттар қоғамының мүшесі, 2016 жылғы TED сыйлығының 1 млн. доллар жеңімпазы Паркак ханым Globalxplorer үкіметтік емес ұйымының негізін қалаушысы. Назарбаев университеті студенттері және профессорларымен кездесу кезінде ортақ мәдени мұраларымызды зерттеу және сақтау үшін алдыңғы қатарлы технологияларды қолдануға бағытталған компанияның қызметі мен ғарыштық археологияның маңызы жайлы әңгіме өрбітті.

Бұл жобаның басты мақсаты археологиялық объектілерді, әсіресе зақымдану немесе жойылу қаупі төнген жағдайда, Қазақстан Республикасының аумағын кең ауқымды геоархеологиялық зерттеуді спутниктік бейнелер мен басқа қашықтан зондтау деректерін криптранссерверлік талдау негізінде анықтау болып табылады.

Қайту