23-қаңтар күні QazaqGeography-дің ұйымдастыруымен дөңгелек үстел өтті. Шараға қоғамдық бірлестікпен тығыз қарым-қатынас орнатқан ұйымдар мен болашақ серіктестері қатысты.

Олардың арасында ҚР Премьер-Министрі Кеңсесі өкілдері, «Kazakh Tourism» ҰК АҚ, БҰҰ ҚР Даму бағдарламасы, «Халықаралық жасыл технологиялар мен инвестициялық жобалар» орталығы, География институты, Қазақстандағы биологиялық алуантүрлілікті сақтау ассоциациясы, «Назарбаев Университет» қарамағындағы «GREEN CAMPUS» офисі, ҚР экологиялық ұйымдарының ассоциациясы және жеке сектор өкілдері болды. Аталмыш шарада Басқарушы Кеңес төрағасы Қ.Байғарин сөз бастады. Қоғамдық бірлестіктің бес жылғы жұмысы қорытындысы мен алдағы жоспарлары туралы Басқарма төрағасы Ж.Рүстем баяндады. Әрі қарай серіктестердің таныстырылымы өтті. Кездесудің негізгі мақсаты 2019-жылғы жоспарлар мен ортақ мәселелерді бірігіп шешу мүмкіндіктерін талқылау болды.

Қайту