Құрметті достар!

2020 жылдың 18 тамыз күні Ресей екі мерекені - Орыс географиялық қоғамының мерейтойын атап өтеді, сонымен қатар Ресей Федерациясының Үкіметі ресми түрде кәсіби мереке - Географ Күнін белгілеген. Осы күні 1845 жылы - 175 жыл бұрын Николай І-нің жоғарғы үкімімен Орыс географиялық қоғамы құрылған.

Орыс географиялық қоғамының құрылған күніне орай бірқатар іс-шаралар жоспарланған:

- бүкілресейлік фотокөрменің ашылуы;

- «Музейдегі география түні» ағарту акциясы;

- «Мұздай теңіз құпиялары» квест ойыны;

- экскурсиялық саяхат;

- Орыс географиялық қоғамының төрт құрылтайшысы туралы - Орынбор губерниясының әскери губернаторы Василий Алексеевич Перовский, атақты этнограф және жазушы Владимир Иванович Даль, көрнекті геолог-зерттеуші Григорий Петрович Гельмерсен және жер шарын зерттеуші, саяхатшы Платон Чихачев туралы өмірбаяндық материалдар жинағын шығару.

- Бірінші арнада Орыс географиялық қоғамының қолдауымен түсірілген деректі фильмдер көрсетіледі және басқа да көптеген шаралар өтеді.

Мерейтойлық іс-шаралар қатарында 18 тамыз күні QazaqGeography қатысуға шақырылған Орыс географиялық қоғамы ұйымдастырған «45-ші параллель» мүсіндік композициясының салтанатты ашылуы болады.

«45-ші параллель» атты мүсіндік композиция - Краснодардағы ескерткіш. Ол жер Солтүстік полюс пен экватордан тепе-тең қашықтықта орналасқан және де композиция Орыс географиялық қоғамының 175 жылдығына арналған.

Ескерткіш үш метрлік қоладан жасалған жер шары болып табылады, оның үстінде параллель көрсетілген және де әлемдегі әйгілі қалалар алтын әріптермен белгіленген. Краснодардың жанында сіз италиялық Туринді, американдық Миннеаполисті, франциялық Бордо агломерациясын және канадалық Оттаваны көре аласыз. Гранит тұғырында екі тілде: орыс және ағылшын тілдерінде «45-ші параллель» жазуы бар тақтайша орнатылған. Ескерткіш Краснодардағы Захаров көшесінде, «алтын параллель» өтетін жерде орналасқан. Жер шары тәрізді географиялық белгі Ресей оңтүстік астанасының жаңа белгісі болады.

Мүсіннің ашылуы Орыс географиялық қоғамының 175 жылдығына арналған. Ашылу күні 45-ші параллель өтетін қалалар мен елдермен бейнекөпірлер орнату жоспарлануда. Осыған орай, QazaqGeography видео-сілтемеде Орыс географиялық қоғамын мерейтойымен және Краснодар қаласындағы мүсіннің ашылуымен құттықтау сөздерімен қосылады.

Біз сіздерді хабардар етуге тырысамыз.

Қайту